मुख्यमंत्री भूपेश बघेल के सूत्रवाक्य भौतिक दूरी फिजिकल डिस्टेंसिंग ल हर छत्तीसगढ़ वासी ह अपनाइस – कांग्रेस

जय जोहार रायपुर…. मुख्यमंत्री भूपेश बघेल के संबोधन म कांग्रेस ह अपन प्रतिक्रिया म कहिन कि कोरोना ले लड़े म छत्तीसगढ़ ह देश के अन्य राज्य मन ले बेहतर स्थिति म हे। ये स्थिति ह छत्तीसगढ़ के जनता के मुख्यमंत्री भूपेश बघेल म अटूट विश्वास, सबले सहयोग अऊ कोरोना महामारी के खिलाफ छत्तीसगढ़ सरकार के तरफ ले सही समय म ले गिस सही फैसला के चलत बन पाए हे।

कांग्रेस संचार विभाग के अध्यक्ष शैलेश नितिन त्रिवेदी ह कहिन कि मुख्यमंत्री भूपेश बघेल के तरफ ले समय म ले गिस फैसला चाहे होली मिलन नई आयोजित करे ल, 13 मार्च ले छत्तीसगढ़ के स्कूल अऊ कालेज मन ल बंद करे ल, 17 मार्च के पहला केस सामने आत पूरा राज्य म 18 मार्च ले धारा 144 लागू करे ल हो। समय म जनहित म ले गिस फैसला ले घलो राज्य ल कोरोना ले लड़े म बेहतर स्थिति म लाए म मदद मिले हे। कोरोना के खिलाफ लड़ाई म छत्तीसगढ़ के अग्रणी स्थिति आघू घलो बने रहे। इही आज के परस्थिति म प्रदेशवासी मन के जरूरत हे।

वो हा कहिन कि कोरोना के खिलाफ लड़ाई म सफलता बर प्रदेश के जन-जन के संगेसंग ए लड़ाई के अंतिम पंक्ति के योद्धा अऊ जनता के संग खड़े सबो चिकित्सक, स्वास्थ्य कार्यकर्ता, जिला अऊ पुलिस प्रशासन, महिला बाल विकास, बिजली विभाग, नगर निगम, नगर पालिका, जनसंपर्क विभाग के कर्मचारी मन ह महत्वपूर्ण भूमिका निभाय हे। सब मन ह मिल के कोरोना महामारी के खिलाफ ए महायुद्ध म 24 घंटा ए संकट ले निपटे बर कार्य करिन। राशन बांटे ल लेके राहत पहुंचाए तक अऊ जनजागरण के अभूतपूर्व काम सब ह मिल के कर दिखाय हे। पूरा छत्तीसगढ़ के मीडिया साथी मन अऊ निस्वार्थ काम करत स्वयंसेवी संस्था अऊ सामाजिक संगठन मन ह घलो ए महायुद्ध म निस्वार्थ योगदान ल घलो भुलाय नई जा सकत हे। वो हा कहिन कि मुख्यमंत्री के सूत्रवाक्य भौतिक दूरी फिजिकल डिस्टेंसिंग ल हर छत्तीसगढ़ वासी मन ह सहर्ष अपनाय हे। कोरोनो के खिलाफ लड़ाई म भौतिक दूरी फिजिकल डिस्टेंसिंग के बड़े भूमिका हे।