जय जोहार। (chhattisgarh) मुख्यमंत्री भूपेश बघेल ह आज बिलासपुर जिला के तखतपुर विधानसभा के खैरी गांव म भेंट-मुलाकात ल सम्बोधित करत हुए किहीन कि छत्तीसगढ़ म हरेक बछर धान खरीदी के नवा कीर्तिमान बनत हे । ए बछर अब तक 100 लाख मीट्रिक टन ले जादा धान की खरीदी करे जा चुके हे । नवा राज्य सरकार के गठन के बाद पहिला बछर 84 लाख मीट्रिक टन, दूसरइया बचर 93 लाख मीट्रिक टन, तीसरइया बाचार 97 लाख मीट्रिक टन। किसान मन ल 3 दिन म ही धान के पईसा मिल जात हे । मुख्यमंत्री ह ग्रामीण मन ले राजीव गांधी किसान न्याय योजना के बारे म पूछीन अउ किहीन कि अभी 3 क़िस्त दे चुके हन, तीसरइया क़िस्त ल दीवाली के बेरा दे हन , चौथइया क़िस्त 31 मार्च के देबो।
मुख्यमंत्री ह किहीन कि छत्तीसगढ़ ह पहलइया राज्य हे , जिहां भूमिहीन मजदूर ल सालाना 7 हजार रुपिया के आर्थिक सहायता दे बर राजीव गांधी ग्रामीण भूमिहीन कृषि मजदूर न्याय योजना प्रारंभ करे गेहे। । छत्तीसगढ़ पहलइया राज्य हे जिहां कोदो-कुटकी अउ रागी समर्थन मूल्य म खरीदे जात हे ।
एखर पहिले मुख्यमंत्री ह छत्तीसगढ़ महतारी के छायाचित्र के समक्ष दीप प्रज्जवलन, माल्यार्पण अउ राज्य गीत “अरपा पैरी के धार“ के संग भेंट-मुलाकात कार्यक्रम के सुरुवात करीन । ए अवसर म राजस्व मंत्री जयसिंह अग्रवाल अउ संसदीय सचिव श्रीमती रश्मि आशीष सिंह घलो उपस्थित रिहीन ।
