केंद्रीय विद्यालय म छठवीं ले आठवीं तक के परीक्षा होगे रद्द

जय जोहार रायपुर…. प्रदेश के सबो केंद्रीय स्कूल के माध्यमिक स्कूल के परीक्षा ल रद्द कर दे गे हे। ए स्कूल मन म छठवीं, सातवीं अऊ आठवीं कक्षा ले छात्र मन के वार्षिक परीक्षा नई होही। कोरोना के वजह ले बच्चा मन के परीक्षा ल आधा म ही रद्द कर दे गे रहिस अऊ स्कूल मन ल बंद कर दे गे रहिस। हालांकि नौवीं अऊ ग्यारहवीं के परीक्षा ल लेके तारीख बाद म तय करे जाही।

बतावत जात हे कि स्कूल के संगेसंग बच्चा मन घलो परीक्षा के नवा तारीख के इंतजार करत रहिस, लेकिन अब परीक्षा पूरा तरह ले स्थगित कर दे गे हे। कक्षा मन म पढ़त छात्र मन के स्कूल म लिए गए इंटर्नल एग्जाम के अंक के आधार म वार्षिक परिणाम ल तैयार करे जाही।