छत्तीसगढ़ म उत्कृष्ट खिलाड़ी मन ल मिलही सरकारी नौकरी, 27 मार्च तक मंगाए गे हे आवेदन

जय जोहार रायपुर… छत्तीसगढ़ म अब उत्कृष्ट खिलाड़ी मन ल शासकीय नौकरी मिलही। एखर बर संचालनालय खेल अऊ युवा कल्याण विभाग ह वर्ष 2019-20 बर खिलाड़ी मन ले निर्धारित प्रारूप म आवेदन आमंत्रित करे हे।

आवेदक उत्कृष्ट खिलाड़ी स्व हस्ताक्षरित समस्त दस्तावेज के संग 27 मार्च तक संचालनालय खेल अऊ युवा कल्याण, जीई रोड म जमा करा सकत हे। खेल संचालनालय के तरफ ले उत्कृष्ट खिलाड़ी मन ले वर्ष 2018-19 म आमंत्रित आवेदन म विचार करे जाही। वर्ष 2018-19 बर आवेदन कर चुके खिलाड़ी मन ल पुन: आवेदन करे के आवश्यकता नई परही।