सीएम भूपेश बघेल ह दे हे बड़का राहत, संपत्ति कर अऊ विवरणी जमा करे के तारीख म मिलिस छूट

जय जोहार…. कोरोना संकट के बीच प्रदेश सरकार ह एक अऊ बड़का छूट दे हे। प्रापर्टी टैक्स ल जमा करे के तारीख ल बढ़ा दे हे। राज्य सरकार के तरफ ले वर्ष 2019-20 के संपत्ति कर अऊ विवरणी जमा करे के तारीख ल सात दिवस बढ़ाय के आदेश ल जारी कर दे गे हे। मुख्यमंत्री भूपेश बघेल के मार्गदर्शन अनुसार अऊ नगरीय प्रशासन मंत्री डॉ. शिवकुमार डहरिया के अनुमोदन के बाद ए आदेश ल जारी करे गे हे।

एखर पहिले राज्य सरकार ह 15 मई के आदेश जारी करे रहिस। जेमा प्रदेश म संपत्ति कर जमा करे के तारीख म 15 दिन के बढ़ोतरी कर दे रहिस। ए तारीख ल 31 मई तक बढ़ाय गे रहिस। लेकिन अब फेर सात दिन के अऊ छूट दे गे हे।