जय जोहार राजनांदगांव….छत्तीसगढ़ सरकार के तरफ ले राज्य के जेन छात्र मन ह अन्य राज्य म पढ़ाई बर गे रहिस। ओ मन ल लाए बर सरलघा केंद्र सरकार समेत उन राज्य मन ले बातचीत करत हे। जिहां छत्तीसगढ़ के छात्र मन ह पढ़ाई करे ल गए रहिस। जे मन ल सकुशल छत्तीसगढ़ सरकार ह गृह राज्य लाना चाहत हे।
ज्ञात हो कि गत दिनो छत्तीसगढ़ सरकार के तरफ ले राजस्थान के कोटा म पढ़त छात्र मन ल लाए के पहल शुरू करे गे रहिस अऊ सबो छात्र मन ल सकुशल अपन गृह राज्य म ला लिये गे हे। कुछु अऊ छात्र मन ह जेन छत्तीसगढ़ के बाहर बेंगलुरू, पुणे, हैदराबाद आदि जगह म पढ़ाई करे बर गे हे। ओ मन ल लाए बर घलो सरकार निरंतर प्रयास करत हे अऊ जल्द वे छात्र मन ह घलो अपन गृह राज्य में आही।
सूत्रों से मिली जानकारी के अनुसार छत्तीसगढ़ राज्य ले बाहर अन्य राज्य म पढ़े ल गए छात्र मन ल लाए बर जानकारी मंगाई जात हे। बताया जा रहा हे ये जानकारी ल एसडीएम कार्यालय म देना हे। जेखर बर बकायदा एक फॉर्मेट तैयार करे गे हे। ए फार्मेट म विकासखंड के नाम, अध्ययनरत राज्य के नाम, कतना छात्र मन पढ़त हे, ओखर मोबाइल नंबर समेत अन्य जानकारी मांगे जात हे। ये जानकारी ल जल्द एसडीएम कार्यालय म जमा करे के बात घलो केहे जात हे।
