रायपुर । प्रदेश म एनएसयूआई कार्यकर्ता मन भाजपा सरकार के विकास कार्य मन ल एक अनोखा ढंग ले खोजत हे । भाजपा के विकास यात्रा के जवाब म कांग्रेस ह विकास खोज बर जुटे हे। देखे जा तो विकास ल लेके सहीं निर्णय जनता मन करही जेखर जवाह वो ह चुनाव म देही। फिलहाल बालोद जिला मुख्यालय म एनएसयूआई कार्यकर्ता जगा-जगा विकास नाम के लापता चिड़िया के पाम्पलेट बांटत हे। दुकान मन ले लेके यात्री बस मन म म घलो पाम्पलेट चिपकावत हे। येखर संग पाम्पलेट बांटके लोगन मन ले अपील करे जात हे कि अगर कोनो ह कोनो जगा म कोनो विकास ल देखे हव तो जानकारी देव।
