कोरोना के सामना सतर्कता अऊ समझदारी ले करे, अपन संदेस म स्वास्थ्य मंत्री ह कहिन- बीमारी ले निपटे बर विभाग ह तैयार

जय जोहार रायपुर…. कोरोना के मद्देनजर स्वास्थ्य मंत्री टीएस सिंहदेव ह प्रदेशवासी मन ल अपन संदेस भेजे हे। अपन संदेस म स्वास्थ्य मंत्री ह कहिन कि कोरोना के गंभीर समस्या के समझदारी अऊ सतर्कता के संग सामना करना होही। वो हा बताइस कि प्रदेश म अभी एक घलो कोरोना पाजेटिव मरीज नई मिले हे, लेकिन विभाग ह पुख्ता इंतजाम कर ले हे। प्रदेश म अभी 450 मरीज मन के इलाज के व्यवस्था कर ले हे। ऊहचे 60 बिस्तर वाला एक अस्पताल घलो तैयार कर ले गे हे। 1500 संदिग्ध मरीज मन ल अलग रखे के व्यवस्था घलो करे जा चुके हे।

स्वास्थ्य विभाग के तरफ ले ए बीमारी ल लेके 27 जनवरी के ही फर्स्ट रैपिड रिस्पांस टीम के गठन करे गे रहिस। कम वक्त म तैयारी ल पुख्ता बनाए के दिशा म ए बहुत बड़ा कदम स्वास्थ्य विभाग के रहिस। सिंहदेव ह कहिन कि ए बीमारी ल लेके सतर्कता के जरूरत हे। एक बार ए बीमारी फैल गिस, त फेर एला काबू म करना मुश्किल हे।