पखांजूर। पखांजूर म फर्जी आधार कार्ड बनाए के मामला म आज पुलिस ह प्रशासन द्वारा सील करे गिस दुकान ल खोल के ओखर तलासी लिस हे। तलाशी म कुछ संख्या म बन बनाए आधार कार्ड त कुछ आधार कार्ड के फोटो कपी, लइका मन के जन्म प्रमाण-पत्र के फोटो कापी घलो मिले हे। दुकान के कम्प्यूटर के सीपीयू समेत जम्मो दस्तावेज ल जब्त करीस हे।
बतात हे कि तहसील पखांजूर के एकदम सामने चलत रिहिस कुंडू फोटो कापी के दुकान म फर्जी आधार कार्ड बनाए के मामला प्रकाश में आए रहीस। 20 जुलई के दुकान के मालिक अभिजीत कुंडू पिता सुधीर कुंडू द्वारा पाखुरकाल गांव के रहवईया चैनुराम कावड़ो के दू साल के बेटा सचेन्द्र कावड़ो के फर्जी आधार कार्ड बनाए रहीस। एखर बर दुकानदार ह पीड़ित ल 520 रूपिया घलो ले लीस, जब मामला ह खुलीस त विवाद ल बढ़त देख के दुकानदार ह पइसा ल वापस कर दिस अउ जेन फर्जी आधार कार्ड बनाए रहीस उहू ल फाड़ दिस। ये मामला म पीड़ित ह प्रशासन के पास शिकायत करीस, जेखर बाद पखांजूर तहसीलदार शेखर मिश्रा ह दुकान ल सील कर दे रिहिन। प्रशासन ह पीड़ित के बयान दर्ज कराके मामला ल पखांजूर थाना भेज दे रिहिस।
ये मामला म आज पखांजूर थाना प्रभारी शरद दुवे ह पुलिस बल के साथ दुकान गिस अउ तहसील ले आए करमचारी अउ दुकान के मालिक अभिजीत कुंडू के सामने दुकान म लगे सील ल तोड़के दुकान के तलासी लिस हे। ये दुकान म मिले जन्म प्रमाण पत्र के आधार म पुलिस ह फर्जी आधार कार्ड बनवईया मन तक पहुंचे जा सकत हे।
पखांजूर थाना प्रभारी शरद दुबे ने बतईन कि अभी दुकानदार के खिलाफ म कोनो मामला दर्ज नई करे गे हे। जब्त करे गे दस्तावेज के आधार म लोगन ले पूछताछ करे जाहि। संगे-संग कम्प्यूटर के घलो जांच करे के बाद फर्जी आधार कार्ड बनाए के सबूत के आधार म आरोपी के खिलाफ म मामला दर्ज रे जाहि।
No Comment! Be the first one.