जय जोहार…. केन्द्र सरकार के किसान विरोधी नीति के खिलाफ अखिल भारतीय किसान सभा ह बुधवार के देशव्यापी प्रदर्शन के आयोजन करिस। ए अवसर म किसान सभा के संग 26 संगठन ले जुड़े कार्यकर्ता मन ह किसान विरोधी अध्यादेश के प्रति ल जलाइस।
विरोध प्रदर्शन करत किसान संगठन के आरोप हे कि मंडी म काम करइया लाखों मजदूर ह जिहां बेरोजगार होवत हे। ऊहचे दूसर ओर किसान मन ल ओखर फसल के सही दाम नई मिलत हे। किसान सभा के संजय पराते ह बताइस कि 15 ले जियादा जिला म प्रदर्शन ह चलत हे। वोहा कहिन कि केन्द्र सरकार ह ठेका खेती ल कानूनी रूप दे के संग अधिनियम ल खत्म अऊ आवश्यक वस्तु अधिनियम ल खत्म करे के बात केहे हे। ए पूरा तरीका ले जनता के खिलाफ हे अऊ हमर मन के खेती अऊ किसानी ल बर्बाद करइया कदम हे।
वो हा कहिन कि ठेका खेती ल ह मन ह छत्तीसगढ़ म बड़ अकन छोटे पैमाने म देख चुके हे। ओखर विस्तार होही त जमीनी किसान मन के हक ले छीन जाही अऊ कार्पोरेट ह अपन मर्जी ले खेती करवाही।
