Chhattisgarh: कृषि बिल म किसान मन ल दे गे हे मंडी ले बाहर अपन फसल बेचे के अधिकार: भाजपा

जय जोहार….(Chhattisgarh) प्रदेश समेत देश म कृषि बिल ल ले के विरोध के दौर चलत हे। प्रदेश के कांग्रेस सरकार ह बिल ल किसान विरोधी बता के एखर पुरजोर विरोध करत हे। ए बीच भाजपा के वरिष्ठ अऊ सक्रिय नेता, मंत्री ह पत्रकार वार्ता आयोजित कर ए संशोधन बिल के जानकारी दे हे।

पत्रकार वार्ता म (Chhattisgarh) पूर्व मुख्यमंत्री डॉ रमन सिंह, भाजपा प्रदेश अध्यक्ष विष्णुदेव साय, राजेश मूणत, नेता प्रतिपक्ष धरमलाल कौशिक, अजय चंद्राकर समेत आन नेता उपस्थित रिहिन। ए दौरान पूर्व मुख्यमंत्री डॉ रमन सिंह ह कहिन कि केंद्र के तीनो बिल ह किसान मन के हित म पारित करे गे हे।

पूर्व म किसान मन ल अपन फसल देश म कहीं घलो बेचे ले वंचित रखे गे रिहिन। जादा तर राजनीतिक दल घलो ए पक्ष म रिहिन कि किसान मन ल कहीं घलो अपन उत्पाद बेचे के अधिकार ह मिले, जेला केन्द्र ह पूरा करिन।

कांग्रेस ह ए बिल ल एमएसपी ले जोड़ के देखत हे, जबकि एमएसपी अऊ एमसीएक्स अलग-अलग चीज हे। ए बिल म मंडी रही, मंडी म खरीदी-बिक्री घलो होही। एमा सिरिफ किसान मन ल मंडी ले बाहर अपन फसल बेचे के अधिकार दे गे हे। ये अतिक्रमण नई संशोधन हे।

(Chhattisgarh) एमसीएमसी एक्ट म संशोधन इंडिया मार्केटिंग केंद्र सरकार राज्य के कोनो अधिकार म अतिक्रमण नई करत हे. राज्य ल अपन किसान के फसल खरीदे के पूरा अधिकार हे। विपक्षी पार्टी ह किसान मन के मन म भ्रम फैलावत हे। मंडी रही, मंडी म व्यापारी घलो रही।