जय जोहार । (Raipur) मुख्यमंत्री भूपेश बघेल ह आज अपन निवास कार्यालय म समर्थन मूल्य म धान खरीदी के तैयारी के समीक्षा करीन। वो हा अधिकारी ले किहीन कि धान बेचइया किसान मन ल समिति अउ उपार्जन केन्द्र म कोनो परेसानी नई होना चाही । वो हा किहीन कि समिति स्तर म 1 नवम्बर के किसान मन के बइठक ले जाए अउ किसान मन ले धान आवागमन के प्लानिंग समिति स्तर म करे जाए।
(Raipur) वो हा किहीन कि प्रदेस के कई क्षेत्र म बरसा के सेती धान कटाई पूरा तरीका ले सुरु नई होए हे । किसान मन ल धान ल सुखाके लाय बर सेंसिटाईस करे, ताकि ओमन ल धान बेचे न परेसानी न हो। वो हा किहीन कि भारत सरकार के निर्देसानुसार हरेक बछर खरीदे जवइया धान म नमी के प्रतिशत 17 प्रतिशत ले कम होना चाही । एखर किसान मन के बीच व्यापक प्रचार-प्रसार करे जाए।
(Raipur) मुख्यमंत्री ह धान के मिलिंग बर राईस मिल के पंजीयन के काम म तेजी लाय के निर्देस देहे । बइठक म मुख्य सचिव अमिताभ जैन, अपर मुख्य सचिव सुब्रत साहू, मुख्यमंत्री के सचिव सिद्धार्थ कोमल सिंह परदेशी, वित्त सचिव अलरमेलमंगई डी., मुख्यमंत्री के सचिव डी.डी. सिंह, खाद्य सचिव टोपेश्वर वर्मा, मुख्यमंत्री के उप सचिव सौम्या चौरसिया उपस्थित रिहीन ।
No Comment! Be the first one.