siege: सिंचाई पंप ल सरलघा बिजली आपूर्ति करे के मांग ल ले के किसान मन ह घेरिस बिजली कंपनी के ईडी कार्यालय

जय जोहार…. सिंचाई पंप ल सरलघा बिजली आपूर्ति करे के मांग ल ले के पीड़ित किसान मन ह आज बिजली कंपनी के ईडी कार्यालय के घेराव (siege) करिन।

बतावत जावत हे कि छत्तीसगढ़ प्रगतिशील किसान संगठन के प्रतिनिधिमंडल ह गत दिनों चार अगस्त के विभाग के अधीक्षण अभियंता अउ संभागीय अभियंता ल सिंचाई पंप ल बिजली आपूर्ति म बाधा के सती उत्पन्न स्थिति ले अवगत कराये रिहिस,

तब ओ मन ल तीन दिन म सिंचाई पंप ल बिजली आपूर्ति म सुधार करे के आश्वासन दे गे रिहिस,

लेकिन तय समय म बिजली आपूर्ति म सुधार नई होय ले आक्रोशित लगभग 50 किसान मन ह आज एक घंटा तक सीएसपीडीसीएल के ईडी कार्यालय के घेराव (siege) करिस।

ए दौरान विभाग के ईडी संजय पटेल ल किसान मन ल आश्वासन दे हे कि तीन दिन म सिंचाई पंप ल रोजाना 15-18 घंटा तक सरलघा बिजली दे ल सुनिश्चित करे जाही।

एखर आलावा सबो बिगड़े ट्रांसफार्मर ल पांच दिन के अंदर बदल के लो वोल्टेज समेत आन समस्या ल घलो दुरुस्त कर दे जाही।

(siege) किसान मन के प्रदर्शन म राजकुमार गुप्त, आईके वर्मा, झबेंद्र भूषण वैष्णव, पुरूषोत्तम वाघेला, उत्तम चंद्राकर, बद्रीप्रसाद पारकर, परमानंद यादव, प्रमोद पंवार, संतु पटेल, वेदनाथ हिरवानी, मंगलू राम बघेल, धर्मेश देशमुख, पुकेश्वर साहु, लल्लु राम, रामअवतार आदि शामिल रिहिस।