Chhattisgarh: किसान न्याय योजना के तीसर किस्त काली आही किसान मन के खाता म, सीएम ह करही आनलाइन राशि के अंतरण

जय जोहार…. (Chhattisgarh) सीएम भूपेश बघेल ह काली राज्योत्सव के कार्यक्रम म राज्य के 18 लाख 38 हजार 592 किसान मन के खाता म राजीव गांधी किसान न्याय योजना के तीसर किस्त के रूप म 1500 करोड़ रुपया के राशि के आनलाइन अंतरण करही।

कृषि के क्षेत्र म पर्याप्त निवेश अऊ लागत म राहत दे बर छत्तीसगढ़ सरकार के तरफ ले राजीव गांधी किसान न्याय योजना के तहत किसान मन ल आदान सहायता राशि प्रदान करे जावत हे।

(Chhattisgarh) ए योजना के तहत पहिली अऊ दूसर किस्त के राशि के रूप म 1500-1500 करोड़ रुपया के भुगतान ल किसान मन के खाता म हस्तांतरण करे जा चुके हे। ए योजना म चार किस्त म किसान मनल 5750 करोड़ रुपया के भुगतान करे जाही।

(Chhattisgarh) सीएम बघेल ह एक नवंबर के राजीव गांधी किसान न्याय योजना के तहत रायपुर संभाग के 5 लाख 60 हजार 794 किसान मन के खाता म तीसर किस्त के रूप म 463 करोड़ 86 लाख रुपया के राशि के भुगतान करही।