Chhattisgarh: राजीव गांधी किसान न्याय योजना के तीसर किस्त किसान मन ल एक नवंबर के मिलही, सीएम ह करिन घोसना

जय जोहार…. (Chhattisgarh) प्रदेश के किसान मन ल राजीव गांधी किसान न्याय योजना के तीसर किस्त के भुगतान ल एक नवंबर के करे जाही। ए बात के जानकारी ल सीएम भूपेश बघेल ह सनिच्चर के कोंडागांव म लोकार्पण अऊ शिलान्यास समारोह ल संबोधित करत हुए दे हे।
सीएम बघेल ह कहिन कि छत्तीसगढ़ (Chhattisgarh) सरकार ह कोरोना संकट के समय म गरीब किसान, आदिवासी, मजदूर मन के संग मजबूती ले खड़े हे। संकट के समय म देश-दुनिया के लोगन मन ल आर्थिक कठिनाई के सामना करे ल पड़े हे, लेकिन छत्तीसगढ़ ह एखर ले अछूता रिहिन।
(Chhattisgarh) सीएम बघेल ह ए मउका म कोंडागांव जिला ल विकास अऊ निर्माण कार्य बर लगभग 300 करोड़ रूपया के सौगात दे हे। जेमा 125 करोड़ रूपया के 25 कार्य के लोकार्पण अऊ 145 करोड़ रुपया के विकास कार्य के शिलान्यास शामिल हे।