जय जोहार…. (chhattisgarh ) मुख्यमंत्री भूपेश बघेल के पहल म जल संसाधन विभाग ह गंगरेल सहित प्रदेस के सबो बांध अउ जलासय ले खरीफ फसल के सिंचाई बर तत्काल पानी छोड़े के निर्णय लेहे। कृषि अउ जल संसाधन मंत्री रविन्द्र चौबे की अध्यक्षता म आज ओखर निवास कार्यालय म विभागीय अधिकारी मन के बइठक म ए फइसला ले गेहे।
मुख्यमंत्री बघेल डहार ले किसान मन ल सिंचाई बर पानी दे जाय के निर्देस के परिपालन म प्रदेस (chhattisgarh ) के कृषि अउ जल संसाधन मंत्री चौबे ह विभाग के वरिष्ठ अधिकारी मन के बैठक लीन हे अउ प्रदेस के सबो बांध अउ जलासय म जल भराव अउ पानी छोड़े के स्थिति के समीक्षा करीन।
मंत्री चौबे ह किहीन कि गंगरेल बांध म वर्तमान म मात्र 39 प्रतिसत जल भराव हे। वो हा अधिकारी मन ले अल्प बरसा अउ खरीफ फसल के स्थिति ल देखत हुये मुख्यमंत्री की मंसा के अनुरूप गंगरेल ले तत्काल सिंचाई बर पानी छोड़े के निर्देस देहे। (chhattisgarh ) मंत्री चौबे ह प्रदेस के आन इलाका के सिंचाई परियोजना के माध्यम ले खरीफ फसल के सिंचाई बर करे जावत जलापूर्ति के घलो जानकारी लीन।
