फिल्मी तरीका ले होइस छत्तीसगढ़ के सबले बड़े चोरी के वारदात . आरोपी गिरफ्तार

जय जोहार दुर्ग…. जिला म होइस छत्तीसगढ़ के सबले बड़े चोरी के घटना ल सुलझाए म पुलिस ल कामयाबी मिलिस। पुलिस ह 72 घंटा के भीतर म आरोपी मन ल गिरप्तार कर लिस। संगे-संग नगदी समेत चोरी के सोना अऊ जेवरात ल बरामद करिस।
पुलिस के मुताबिक कोनो फिल्मी कहानी के तरह अज्ञात चोर मन बीते मंगलवार के भिलाई के सबले बड़े पॉश मार्केट म शुमार आकाशगंगा स्थित पारख ज्वेर्ल्स म दो करोड़ 69 लाख रूपिया के सोना-चांदी अऊ हीरे जवारहात मन ल अपन हाथ साफ कर दे रहिस। मामला के खुलासा बुधवार के होए के बाद हड़कंप मच गिस।

घटना के जानकारी मिलत आईजी विवेकानंद सिन्हा, एसएसपी अजय यादव, फॉरेसिंक एक्सपर्ट समेत पुलिस विभाग के सबो अधिकारी मन मौके म पहुंचिस। देर शाम तक दुकान संचालक मन ह चोरी होइस सोना-चांदी अऊ नगदी के जे आंकड़ा ल पुलिस ल दिस, ओखर मुताबिक चोरी ढ़ाई करोड़ ले ज्यादा के रहिस।

सुपेला थाना ले महज आधा किलोमीटर दूर ये वारदात ह होए रहिस। इहां ज्वेलर्स के बड़े-बड़े शो रूम के अलावा कई कंपनी मन के शो रूम हावय। मामला ल सुलझाए बर सायबर क्राइम समेत सबो टीम मन ल लगाए गे रहिस। एखर नतीजा ये निकलिस कि तीन दिन के भीतर पुलिस ह आरोपी मन ल गिरफ्तार कर लिस अऊ ओखर पास ले 5 किलो 558 ग्राम सोना व नगद रूपिया ल बरामद करिस। गिरफ्तार आरोपी के नाम लोकेश बताए जात हे। ओखर अलावा अऊ आरोपी मन ल पुलिस ह गिरफ्तार करिस।