रायगढ़ मा पहाड़ मंदिर समिति के बैठक मा शामिल होइन वित्त मंत्री ओपी चौधरी

रायपुर.रायगढ़। छत्तीसगढ़ के वित्त मंत्री अउ रायगढ़ विधायक ओपी चौधरी आज रायगढ़ मा रखे गे पहाड़ मंदिर समिति के बैठक मा शामिल होइन।

बैठक के बखत मंदिर के विकास, बेवस्था ला मजबूत करे अउ दरसन करइया के सुविधा ला अउ बढ़िया बनाय बर विस्तार ले गोठ-बात करे गिस। वित्त मंत्री श्री चौधरी ह समिति के सदस्य ले सलाह लिन अउ मंदिर परिसर के बने ढंग ले विकास बर जरूरी कदम उठाय के बात कहिन।

ओमन कहिन कि—”धार्मिक जगा के विकास ह सिरिफ आसा (आस्था) के केंद्र नइ होवय, बल्कि एखर ले क्षेत्र के सामाजिक अउ सांस्कृतिक माहौल ला घलो मजबूती मिलथे।”

ये मौका मा नगर निगम महापौर जीवर्धन चौहान, मंदिर समिति के पदाधिकारी अउ सदस्य मन उपस्थित रहिन।