Terror funding case: छत्तीसगढ़ के 4 आरोपी मन के जमानत ले हाईकोर्ट के इंकार
बिलासपुर. छत्तीसगढ़ ले कश्मीर के आतंकी मन ल आर्थिक मदद पहुंचईया चार आरोपी मन के जमानत याचिका ल हाईकोर्ट ह खारिज कर दे हे। ये आरोपी मन के संबंध ह भारतीय सेना के गोपनीय जानकारी ल पाकिस्तान ल देवईया मन ले है। जस्टिस प्रशांत मिश्रा के डिवीजन बेंच ह आरोपी मन के खिलाफ टेरर फंडिंग के पुख्ता सबूत पाए गिस, जेखर बर उंखर मन के जमानत आवेदन ल खारिज कर दिन हे।
बिलासपुर के सिविल लाइन पुलिस ह अप्रैल 2017 म गोपनीय सूचना के आधार म शहर के एक ठन निजी अस्पताल म काम करैया धर्मेन्द्र यादव ल हिरासत म ले रहीस। एखर बाद अवधेश दूबे, मनिन्द्र यादव अउ संजय देवांगन ल गिरफ्तार करिन। पूछताछ म पुलिस ल ये जानकारी मिलिन कि संजय देवांगन के संबंध ह कश्मीर के सतविंदर सिंह ले रहीस अउ सतविंदर सिंह ह आतंकी मन के मदद करत रहिन, जेला जम्मू कश्मीर पुलिस ह गिरफ्तार करिन।
छत्तीसगढ़ के आरोपी के बैंक खाता म आतंकवादी मन बर ऑनलाइन पइसा भेजत रहीस , जेला आरोपी मन अपन कमीशन ल काट के दूसर माध्यम ले कश्मीर भेज देत रहीन। जेल म बंद मनिन्द्र यादव, संजय देवांगन, अवधेश दूबे अउ सतविंदर सिंह ह हाईकोर्ट म जमानत याचिका पेश करे रिहिन।
