खड़े ट्रक म घुस गे कार, फायर ब्रिग्रेड कर्मचारी के मउत, पत्नी समेत 5 गंभीर

बस्तर। आज तड़के बिहनिया बस्तर के भानपुर इलाका म होय सड़क दुर्घटना म फायर ब्रिगेड कर्मचारी के मौका म ही मउत हो गे। उंहे पत्नी समेत 5 झन ये हादसा म गंभीर रूप घायल हो गिन। घायल मन ल जगदलपुर के महारानी अस्पताल म इलाज बर भरती करे गिन हे।

जानकारी के मुताबिक मृतक के नाम वीरेंद्र वाणी हे, जेन ह अपने परिवार के संग बस्तर दशहरा मनाए बर जगदलपुर जात रिहिस। इही बीच भानपुर इलाका म उंखर गाड़ी ह खड़े ट्रक म घुस गे। कार म मृतक के एक बेटा अउ साला समेत कुल 6 झन सवार रिहिन। वीरेंद्र वाणी ह राजधानी समेत कई आगजनी म बहादुरी ले काम करके लोगन मन के दिल म बनाए रिहिस।