Mahasamund: आईपीएल मैच म आनलाइन सट्टा खेलावत 5 आरोपी मन पकड़ाईस, लाखों के सट्टा-पट्टी होइस बरामद
जय जोहार…. (Mahasamund) आईपीएल मैच म आनलाइन सट्टा खेलावत 5 आरोपी मन ह पुलिस के हत्थे चढ़ गे हे। आरोपी मन करा ले लाखों रुपया के सट्टा पट्टी बरामद करे गे हे।
मिले जानकारी के मुताबिक सायबर सेल ल सूचना मिलिस कि कुछु लोगन म ह आईपीएल सट्टा के धंधा म संलिप्त हे। हाइटेक तरह ले सट्टा खेलत अऊ खिलावत हे। सात अक्टूबर के चेन्नई सुपर किंग्स अऊ कोलकाता नाईट राईडर मैच के दौरान पुलिस ह मुखबिर ल सक्रीय कर सट्टा खेलाय वाला म नजर रखे रिहिन।
ए दौरान पता चलिस कि शंकरनगर वार्ड एक तिवारी बिल्डिंग महासमुंद (Mahasamund) के पास सेन्ट्रो कार अऊ एक मोटरसाइकिल खड़े हे। कार म चार लोगन मन ह बइठ के चेन्नई सुपर किंग्स अऊ कोलकाता नाईट राईडर बीच मैच म मोबाइल ले सट्टा-पट्टी म रूपया-पैसा के दांव लगावत हे।
सायबर सेल अऊ सिटी कोतवाली (Mahasamund) के टीम ह तुरंत घेराबंदी कर चार युवक मन ल पकड़िस। जेमा अमित गुरुदत्ता, कमलजीत सिंह, नितिन गुप्ता, यशवंत चंद्राकर शामिल रिहिन। ये मन ह पूछताछ म बताइस कि आईपीएल मैच म सट्टा लगाय वाला लोगन मन ले संपर्क कर सट्टा खेलावत रिहिन।
