Corona : मंत्रालय म 5 कर्मचारी मन ह मिलिस कोरोना पाजिटिव, पढो पूरा खबर

जय जोहार…. छत्तीसगढ़ म महानदी भवन म पांच कर्मचारी मन ह कोरोना (corona) संक्रमित मिले हे। एखर बाद मंत्रालय म हड़कंप मच गे हे। कोरोना पाजिटिव मिले के बाद सामान्य प्रशासन विभाग ह तीन अगस्त तक मंत्रालय अउ इंद्रावती भवन ल बन्द करे के आदेश दे हे।
मिले जानकारी के मुताबिक 17 जुलाई के इंद्रावती भवन म श्रमिक विभाग के एक कर्मचारी के कोरोना (corona) वायरस के चपेट म आय ले मौत हो गे रिहिस। एखर बाद दुबारा पांच कर्मचारी ह कोरोना पाजिटिव मिले हे।
जेमा चतुर्थ श्रेणी के कर्मचारी अउ बाबू शामिल हे, जेन ह मृतक मरीज के प्राइमरी कान्टेक्ट म आय के बाद संक्रमित होय हे। अब एखर संपर्क म आय 36 कर्मचारी मन के एक सूची जारी करे गे हे, जेमा ओला (corona) टेस्ट कराय के सलाह दे गे हे। ए आदेश ल सामान्य प्रशासन विभाग ह जारी करे हे।