जय जोहार…. राजधानी रायपुर म कोरोना (corona) संक्रमित मरीज मन के संख्या ह सरलघा बाढ़त हे। रायपुर म देर रात फेर कोरोना (corona) पाजिटिव 5 नवा मरीज के पहचान होय हे। एखर संग राजधानी म एक्टिव मरीज मन के संख्या ह बाढ़ के 75 हो गे हे। स्वास्थ्य विभाग के मुताबिक नवा मिले कोरोना के पांच मरीज मन ह रायपुर के अलग-अलग इलाका के रहवइया हे।
बता देन कि रायपुर म अब तक कोरोना (corona) ले संक्रमित 85 मरीज मिल चुके हे। जेमा ले 75 सक्रिय मरीज हे। जेखर इलाज चलत हे। ऊहचे ए वायरस ले 9 लोगन मन ह ठीक हो गे हे। प्रदेश म एक्टिव मरीज मन के संख्या ह 808 हो गे हे। ऊहचे कोरोना संक्रमण के आंकड़ा ह 1078 हो गे हे। जेमा ले 266 मरीज ह स्वस्थ होके अपन घर लहुट चुके हे।
No Comment! Be the first one.