balodabazar म मिले हे कोरोना के 5 नवा मरीज, 10 मरीज ह जीतिस कोरोना ले जंग, होइस डिस्चार्ज

जय जोहार…. छत्तीसगढ़ म कोरोना संक्रमित मरीज मन के संख्या ह कम होय के नाम नई लेवत हे।

आज बलौदाबाजार (balodabazar) जिला म कोरोना के 5 नवा मरीज मिले हे। एखर पुष्टि ल सीएमएचओ ह करे हे।

उहचे आज 10 मरीज मन ह कोरोना ले जंग जीत गे हे, जेखर बाद ओ मन ल डिस्चार्ज कर दे गे हे।

जानकारी के मुताबिक (balodabazar) आज जेन कोरोना के पांच नवा मरीज मिले हे, ओमा बलौदाबाजार नगर के कृष्णा नगर ले एक, कान्हा विहार ले एक, न्यू बस स्टैंड के पास ले एक, लोहिया नगर ले एक अउ सिमगा विकासखण्ड के ग्राम रावन ले एक मरीज शामिल हे।

(balodabazar) जिला मुख्य स्वास्थ्य अउ चिकित्सा अधिकारी डॉ. खेमराज सोनवानी ह बताइस कि आज मिले सबो नवा मरीज मन ल जिला कोविड अस्पताल लाय जाही।

वो हा बताइस कि जिला म कोरोना मरीज मन के कुल संख्या ह 439 पहुंच गे हे। जेमा ले एक्टिव मरीज मन के संख्या ह 66 हे। उहचे 371 मरीज मन ल बने होय के बाद अस्पताल ले डिस्चार्ज कर दे गे हे।