dhamtari जिला म फेर होय हे कोरोना के पांच नवा मरीज के पहचान, एक्टिव मामला ह बाढ़ के हो गे 12
जय जोहार…. धमतरी (dhamtari) जिला म कोरोना संक्रमित मरीज मन के संख्या ह कम होय के नाम नई लेवत हे। मंगलवार के जिला म कोरोना के पांच नवा मामला ह सामने आय हे।
धमतरी जिला के मुख्य स्वास्थ्य अउ चिकित्सा अधिकारी डॉ डीके तुर्रे ह बताइस कि आज जिला म जेन कोरोना के पांच नवा मरीज मिले हे,
ओमा ले जिला जेल ले एक सिपाही अउ एक बंदी, रिसाईपारा वार्ड ले एक, बठेनापारा वार्ड ले एक संक्रमित मरीज मिले हे। उहचे पांचवां संक्रमित मरीज के बारे म जानकारी नई मिले के बाद केहे हे।
सर्विलेंस अधिकारी डॉ विजय फूलमाली ह बताइस के आज जेन कोरोना के नवा मरीज मन के पुष्टि होय हे, ओमा ले (dhamtari) जिला जेल ले 2, रिसाईपारा वार्ड ले एक, बठेनापारा वार्ड ले एक अउ मगरलोड ले एक मरीज शामिल हे।
बता देन कि जिला म कोरोना संक्रमित मरीज मन के कुल संख्या ह 80 हो गे हे। जेमा ले 12 एक्टिव मामला हे। (dhamtari) उहचे 66 मरीज मन ह कोरोना ल मात दे दे हे,
जेखर बाद ओ मन ल अस्पताल ले डिस्चार्ज कर दे हे। ए वायरस ले जिला म अब तक 2 मरीज के मौत हो गे हे।
