corona : छत्तीसगढ़ म फेर मिलिस नवा पांच कोरोना संक्रमित मरीज, सक्रिय मरीज मन के संख्या ह बाढ़ के होइस 115

जय जोहार…. छत्तीसगढ़ बर कोरोना (corona) ले जुड़े एक बड़का खबर सामने आवत हे। सनिच्चर के कोरोना संक्रमित नवा पांच मरीज मिले हे। जेन नवा मरीज मिले हे, ओमा रायगढ़ जिला म चार अऊ जशपुर जिला म एक शामिल हे। ए पांच नवा मरीज मन के संग प्रदेश म कोरोना के एक्टिव मरीज मन के संख्या ह बाढ़ के 115 हो गे हे।

ऊहचे राज्य म कोरोना (corona) संक्रमण के मामला ह बाढ़ के 177 हो गे हे। सब्बो पांच मरीज मन ल रायगढ़ मेडिकल कालेज म भर्ती कराय जावत हे। एखर जानकारी ल स्वास्थ्य विभाग ह अपन अधिकारिक ट्वीटर हैंडल ले ट्वीट कर दे हे। बता देन कि प्रदेश म कोरोना (corona) संक्रमण के मामला ह बाढ़ के 177 हो गे हे। जेमा ले 62 मरीज ह स्वस्थ होके अपन घर लहुट चुके हे।