जय जोहार…. छत्तीसगढ़ म कोरोना (corona) ले जुड़े एक बड़का खबर सामने आवत हे। प्रदेश म कोरोना संक्रमित मरीज मन के संख्या ह सरलघा बाढ़त हे। आज प्रदेश के दू अलग-अलग जिला म पांच नवा मरीज मिले हे। जेन जिला ले कोराना पाजिटिव मरीज मन के रिपोर्ट ह आय हे। ओमा राजनांदगांव म चार अऊ कोरबा म एक कोरोना (corona) के नवा मरीज सामने आय हे।
जानकारी के मुताबिक ए सब्बो प्रवासी मजदूर हे। जे मन ल पहिले ले क्वारेंटाइन म रखे गे रहिस। सब्बो के सैम्पल ल आरटीपीसीआर टेस्ट बर रायपुर भेजे गे रहिस, जिहां ओखर रिपोर्ट ह पाजिटिव आय हे। जानकारी के मुताबिक जेन चार मरीज मन के राजनांदगांव ले रिपोर्ट ह पाजिटिव आय हे, वो सब्बो ह मुम्बई ले आय रहिस। ऊहचे कोरबा म जेन मरीज के रिपोर्ट ह पाजिटिव आये हे, वो दिल्ली ले आय रहिस। दिल्ली ले लहुटे के बाद ए युवक ल क्वारेंटाइन म रखे गे रहिस, जिहां युवक के रिपोर्ट ह पाजिटिव आय हे।
