Raffel news: ए दिन भारतीय वायुसेना म शामिल होही पांच राफेल, पढो पूरा खबर

जय जोहार… (Raffel news) फांस ले आय पांच राफेल विमान ल भारतीय वायुसेना के बेड़ा म 10 सितंबर के शामिल करे जाही। ये कार्यक्रम ह रक्षा मंत्री राजनाथ सिंह के मौजूदगी म अंबाला एयरबेस म होही। ए कार्यक्रम बर भारत ह फ्रांस के रक्षा मंत्री फ्लोरेंस पारेल ल न्योता भेजे हे।

फ्रांस ले 29 जुलाई के पांच राफेल विमान ह भारत आय रहिस। (Raffel news) भारतीय वायुसेना ह कहे रहिस कि विमान ल औपचारिक समारोह के बाद शामिल करे जाही। पहिली किस्त म भारत ल फ्रांस ले पांच राफेल विमान मिले हे। जेमा तीन सिंगल सीटर अऊ दू डबल सीटर हे।

(Raffel news) 4.5 जेनरेशन वाला राफेल विमान ल दुनिया के सबले बेहतरीन लड़ाकू विमान म ले एक माने जावत हे। ये बहुआयामी विमान हे, जेन एक ही उड़ान म कई अभियान ल अंजाम दे सकत हे।