balodabazar: कोतवाली थाना म पांच पुलिस कर्मी मन ह पाय गे हे कोरोना पाजिटिव, थाना हो गे सील

जय जोहार…. बलौदाबाजार (balodabazar) जिला म कोरोना संक्रमण के मामला ह तेजी ले बाढ़त जावत हे। मंगलवार के ए जिला के कोतवाली थाना म पांच जवान मन ह कोरोना पाजिटिव मिले हे। एखर बाद ए थाना ल सील कर दे गे हे।

मिले जानकारी के अनुसार थाना सिटी कोतवाली के दो एएसआई, एक प्रधान आरक्षक अऊ दू जवान ह पाजिटिव मिले हे। (balodabazar) एसपी एलेसेला ह आदेश जारी कर केहे हे कि एहतियात के तौर म अवइया आदेश तक थाना भवन सिटी कोतवाली ल कंटेनमेंट घोसित कर सील कर दे गे हे। ए अवधि म थाना सिटी कोतवाली के पूरा कार्य ह यातायात थाना ले करे जाही।

बता दन कि (balodabazar) जिला म सोमवार तक कोराना संक्रमित मन के कुल संख्या ह 855 पहुंच गे हे। जेमा ले एक्टिव मामला 240 हे। उहचे 611 मरीज मन ह बने होय के बाद अपन घर लहुट चुके हे। ए वायरस ले जिला म 4 लोगन मन के मौत हो गे हे।