शो रूम संचालक के ये करतूत ले भड़क गे लोगन मन…..

भिलाई (दुर्ग)। जिहां एक ओर डेंगू ले 19 लोगन के मउत के बाद ले पूरा सहर म हाहाकार मचे हुये हे, उहें कुछु लोगन मन ये मउत के घलो व्यापार करे म नइ चूकत हे। भिलाई म नरेश ट्रेडिंग नामक शो रूम संचालक ह अपन इहां ले सामान खरीदे म डेंगू के दवा मुफ्त म देय के ऑफर निकालिस हे। संचालक के ये करतूत ले लोग भड़क गे हे।
बतादव दें के मोबाइल म ये तरह के ऑफर हजारों लोगन के पास गे हे। येमा नरेश ट्रेडिंग कंपनी ह उंखर इहां ले सामान खरीदे म डेंगू के दवा मुफ्त देय के ऑफर देय हे। उहें येकर भनक लगत ही सहर के युवा भड़क उठे हे। मामला म जनता युवा कांग्रेस के प्रदेस सचिव अभिषेक गौर ह कहिन के उमन ह ये बारे म कलेक्टर ले सिकायत करे हे। उमन के कहिना हे के लोगन के भावना मन के संग कंपनी खिलवाड़ करत हे। लिहाजा, येकर लाइसेंस कैंसिल कर कठोर कार्रवाई करे जाना चाही।
ये खबर के बाद ले पूरा सहर म आक्रोस पनपत हे। कंपनी के संचालक ले पूछे गिस त अपन सफाई देय लगिस। हालांकि बाद म उमन ह ये बात ल मानिस के उमन ले गलती होइस हे अउ येकर बर वोह क्षमा घलो मांगिस हे। संग ही कहिन के उमन ये घलो कहिन के कि वो ह स्वयं डेंगू के रोकथाम बर प्रयास करत हे। ये मामला म लेके जब कलेक्टर ले चरचा करे गिस त उमन कहिन के उमन ह मामला म कार्रवाई करे जात हे।