Kawardha: महिला समूह के बनाये गुलाल ले मिलही फूल के सुग्घर महक, पढ़व पूरा खबर
जय जोहार (वेद साहू @ कवर्धा)…. कबीरधाम (Kawardha) जिला के महिला स्वसहायता समूह की दीदी मन के तरफ ले भोरमदेव हर्बल गुलाल ल अलग-अलग रंग म बड़ अकन जगह म बेचे जावत हे। विकासखण्ड बोड़ला के ग्राम राजानवागांव के जय गंगा मैया महिला स्व सहायता समूह के तरफ ले हल्दी, गेंदा फूल, पालक समेत दूसर प्राकृतिक चीज ले हर्बल गुलाल ल अलग-अलग रंग म तैयार करे गे हे।
कलेक्ट्रेट परिसर, जिला पंचायत, जनपद पंचायत कवर्धा, जनपद पंचायत बोड़ला, बिहान मार्ट अऊ सुमित बाजार कवर्धा म महिला समूह के तरफ ले बनाये गे हर्बल गुलाल लोगन मन बर उपलब्ध हे। (Kawardha) विगत कुछु साल ले महिला समूह के तरफ ले सरलघा होली के अवसर म हर्बल गुलाल ल बनाये जावत हे। बता देन कि हर्बल गुललाल के उपयोग ले स्वास्थ्य म कोरोना दुष्प्रभाव नई पड़त हे। आंख म जाये ले जलन नई होवत हे अऊ बाल ल नुकसान घलो नई होवत हे।
महिला समूह के तरफ ले बनाये गे हर्बल गुलाल ह कवर्धा के बाजार म आनलाइन मार्केटिंग के तरफ ले लोगन मन ल उपलब्ध हो, एखर बर चीनू गेाली एप ले विक्रय करे जावत हे। महिला स्व सहायता समूह के तरफ ले कवर्धा (Kawardha) म बने हर्बल गुलाल के घर पहुंचसेवा आनलाइन ले घलो लोगन मन ल मिलत हे। उहचे हर्बल गुलाल ले होली ल मनाये बर एप के सहायता ले प्राप्त करे जा सकत हे।
जिला पंचायत के मुख्य कार्यपालन अधिकारी विजय दयाराम के बताईस कि राष्ट्रीय ग्रामीण आजीविका मिशन बिहान के तहत संचालित जय गंगा मैया महिला स्वसहायता समूह के तरफ ले हल्दी, गेंदा पूल, चुकुंदर, पालक, अनार, गुलाब जइसे प्राकृतिक फल अऊ फू ले जैविक गुलाल तैयार करे गे हे, जेन स्वास्थ्य बर लाभकारी हे।
