भारत पर्व ……  लालकिला म हजारों दर्शक मन ल मंत्रमुग्ध कर दीस  छत्तीसगढ़ के लोक कलाकार मन

रायपुर, देश के राजधानी दिल्ली के लालकिला म आयोजित भारत पर्व म छत्तीसगढ़ के लोक कलाकार मन ह गुरूवार के छत्तीसगढ़ के समृद्ध लोक कला अऊ संस्कृति उपर आधारित प्रस्तुति दीन। उंखर ए सानदार प्रस्तुति लालकिला म हजारों देसी अऊ विदेसी दर्सक मन ल मंत्रमुग्ध कर दीस।

लालकिले म छत्तीसगढ़ के दुर्ग जिला के अहिवारा के सांस्कृतिक संस्था के 20 कलाकार मन के दल  ‘लोक धरोहर’ह कार्यक्रम के बेरा म एक के बाद एक सुग्घर प्रस्तुति दीस। लोक कलाकार मन कबीर साहेब के दोहा ले सुरूआत करके छत्तीसगढ़ के जसगीत, सुआ नृत्य, गौरा-गौरी नृत्य, पंथी नृत्य, राऊत नाचा, रिलो अऊ प्रहसन प्रस्तुत करिन।

–