chhattisgarh : खाद्य मंत्री अमरजीत भगत ह चिचिया अउ सरनाबहाल म नवा धान खरीदी केंद्र के करीन सुभारंभ

जय जोहार…. (chhattisgarh) खाद्य मंत्री अउ गरियाबंद जिला के प्रभारी मंत्री अमरजीत भगत ह आज गरियाबंद जिला के विकासखण्ड देवभोग के ग्राम चिचिया अउ मैनपुर विकासखंड के ग्राम सरनाबहाल म नवा धान खरीदी केंद्र के सुभारंभ करीन।

ए दूनों नवा धान खरीदी केंद्र खुले ले आसपास की 8 ग्राम पंचायत के 1200 किसान मन ल फायदा होही। मंत्री भगत ह ए दउरान ग्राम चिचिया म ही 100 मिट्रिक टन क्षमता के खाद्य गोदाम के घलो लोकार्पण करीन। (chhattisgarh) चिचिया अउ सरनाबहाल म धान खरीदी केन्द्र खुले म किसान अउ ग्रामीण मन म काफी हर्ष हे।

प्रभारी मंत्री भगत ह किहीन कि मुख्यमंत्री के भूपेश बघेल के नेतृत्व म ये सरकार किसान मन के सरकार हे। छत्तीसगढ़ के 80 प्रतिसत मनखे मन ह खेती-किसानी म निर्भर हे। राज्य सरकार ह किसान मन के हित म काम करत हे। (chhattisgarh) हमर मन के सरकार बनत ही सबले पहले किसान मन के अल्पकालीन कृषि ऋण लगभग 10 हजार करोड़ के कर्ज ल माफ करीन। समर्थन मूल्य म धान खरीदी के संगेसंग सब्सिडी अनुदान के रासि ल राजीव गांधी किसान न्याय योजना के माध्यम ले प्रदान करे जावत हे।