Chhattisgarh: विधानसभा म धान खरीदी के मामला म घिर गे खाद्य मंत्री अमरजीत भगत, पढ़व

जय जोहार…. (Chhattisgarh) विधानसभा सत्र म गुरुवार के सदन म धान खरीदी के मामला म विपक्ष ह खाद्य मंत्री अमरजीत भगत ल घेरिन। भाजपा विधायक शिवरतन शर्मा ह धान खरीदी समिति अऊ मिलर्स ल शासन के तरफ ले भुगतान करे जाय के मामला ल पूछिन। एखर सवाल के जवाब म खाद्य मंत्री अमरजीत भगत ह कहिन कि शासन स्तर म मन्त्रिमण्डल के एकठन सब कमेटी बनाये गे हे।

(Chhattisgarh) विधायक शिवरतन शर्मा ह पूछिन कि का केंद्र सरकार के निर्देश म ये कमेटी ल बनाये गे हे। मंत्री भगत ह कहिन कि जेन राज्य सरकार ह एमएसपी म धान खरीदी ल करत हे, ओ हा केंद्र सरकार के गाइडलाइन के पालन करत हे। विधायक श्री शर्मा ह पूछि कि सिति के कमीशन के भुगतान होय हे। मंत्री ह किहन कि साल 2019-20 बर समिति के कमीशन के 262 करोड़ 80 लाख अऊ लेबर 80 करोड़ रुपया के भुगतान करे गे हे।

विधायक श्री शर्मा ह पूछिन कि इहीं विधानसभा (Chhattisgarh) म मंत्री ह स्वीकार करे हे कि साल 20219-20 म 44 हजार टन लॉस होय हे। कतना मिलर्स ल प्रोत्साहन राशि के भुगतान करे गे हे। मंत्री श्री भगत ह कहिन कि मिलर्स ले 630 करोड़ रुपया के भुगतान होना हे, 430 करोड़ के भुगतान हो चुके हे। जइसे-जइसे बिल आवत हे, ओखर मिलान कर भुगतान ल करे जावत हे।