जय जोहार…. कोविड 19 के दौरान (chhattisgarh) आनलाइन शिक्षा ल आसान बनाय बर पढ़ई तुंहर दुआर एन्ड्राएड एप ल तैयार करे गे हे।
ए एप ल छत्तीसगढ़ सरकार के स्कूल शिक्षा विभाग अउ एनआईसी ह मिल के तैयार करे हे। ए एप ले विद्यार्थी मन ह इंटरनेट उपलब्ध होय म अपन पाठ्यक्रम ले संबंधित कन्टेंट ल डाउनलोड कर सकही।
डाउनलोड करे गे वीडियो अउ आन कन्टेंट जब इंटरनेट ह उपलब्ध नई हो, तब घलो आफलाइन देखे जा सकही।
ये एप (chhattisgarh) दूरस्थ अंचल के विद्यार्थी मन बर काफी उपयोगी हे। ए एप ल गुगल प्ले स्टोर ले डाउनलोड करे जा सकत हे।
बता देन कि सीएम भूपेश बघेल ह स्कूल के विद्यार्थी मन बर घर बइठे पढ़ई बर आनलाइन सुविधा उपलब्ध कराये ल लाकडाउन के दौरान अप्रैल म पढ़ई तुंहर दुआर के वेबसाइट लांच करे रिहिस।
(chhattisgarh) आनलाइन शिक्षा के योजना के लाभ लगभग 22 लाख लईका मन ल मिलत हे।
Other Articles
Next
Previous
