Corona: देश म पहली बार 24 घंटा म 22 हजार ले जियादा ल कोरोना, 442 लोगन मन के हो गे मौत
जय जोहार…. भारत म कोरोना (corona) संक्रमित मन के संख्या ह कम होय के नाम नई लेवत हे। देश म कोरोना के कुल केस ह 6.48 लाख ले जियादा हो गे हे। पिछले 24 घंटा में कोरोना के 22771 नवा मामले के पहचान होय हे। ए दौरान 442 लोगन मन के मौत हो गे हे।
केन्द्रीय स्वास्थ्य मंत्रालय के आंकड़ा के मुताबिक देश म अब कोरोना (corona) संक्रमित मन के संख्या ह 6 लाख 48 हजार 315 हो गे हे। जबकि एक्टिव केस ह 2 लाख 35 हजार 422 पहुंच गे हे।
ऊहचे तीन लाख 94 हजार 227 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले अब तक देश म 18655 लोगन मन के जान चले गे हे।
कोरोना संक्रमण ले सबले जियादा प्रभावित महाराष्ट्र राज्य हे। ए राज्य म पिछिले 24 घंटा म 6364 नए मामले के पहचान होय हे। ऊहचे 198 लोगन मन के मौत हो गे हे।
राज्य म अब कोरोना के कुल संख्या ह 1 लाख 92 हजार 990 हो गे हे। एमा ले एक लाख चार हजार 687 लोगन मन ल डिस्चार्ज कर दे गे हे। जबकि 79911 सक्रिय मामले हे। ए राज्य म अब तक 8367 लोगन मन के जान चले गे हे।
