कोरोना के दहशत, रायपुर एयरपोर्ट म ले जाही यात्री मन के विदेश यात्रा के जानकारी

जय जोहार रायपुर…. राज्य सरकार के निर्देश म मंगलवार ले स्वामी विवेकानंद एयरपोर्ट म उतरइया हरेक यात्री ले ओखर पिछिले दिनो के विदेश यात्रा के जानकारी ले जाही। ए कार्य म भारतीय विमानपत्तन प्राधिकरण के अधिकारी अऊ केंद्रीय औद्योगिक सुरक्षा बल के कर्मचारी ह राज्य के स्वास्थ्य विभाग के कर्मचारी मन के मदद करही।

मिली जानकारी के मुताबिक विदेश यात्रा करइया यात्री मन ल स्वास्थ्य विभाग के दिशा-निर्देश के अनुसार निगरानी म रखे जाही। छत्तीसगढ़ म कोरोना वायरस के रोकथाम बर करे जात ए कवायद ह 31 मार्च तक जारी रही। एयरपोर्ट के अधिकारी मन ह यात्री मन ले ए कवायद म सहयोग के अपील करे हे।