chhattisgarh:वन मंत्री मोहम्मद अकबर ह करीन कैप्टन कूल एप के सुभारंभ, परियावरन संरक्षण म मिलही मदद
जय जोहार…. (chhattisgarh) वन अउ जलवायु परिवर्तन मंत्री मोहम्मद अकबर ह राजधानी रईपुर के अपन निवास कार्यालय म कैप्टन कूल’ एप के सुभारंभ करीन। ए एप ल नेचर बाडी ईको क्लब के छात्र अउ छात्रा मन ह सिक्षक पानू हलदार के मार्गदर्सन म तैयार करे हे।
वन अउ जलवायु परिवर्तन मंत्री मोहम्मद अकबर ह किहीन कि ए एप ह कार्बन के उत्सर्जन में कमी लाय समेत परियावरन संरक्षण म मददगार होही। (chhattisgarh) मंत्री अकबर ह एप के निर्माण बर नेचर बाडी ईको क्लब ल बधाई अउ सुभकामना दीन हे।
मंत्री अकबर ह बताइन हे क़ि जलवायु साक्षरता अउ जागरूकता अभियान के तहत कैप्टन कूल एप ल बनाए गे हे। एमा इलेक्ट्रिक अउ इलेक्ट्रानिक उपकरण के उपयोग ले उत्सर्जित कार्बन के मात्रा के जानकारी मिल सकही।
कारीकरम म उत्तम कुमार तम्बोली, कु.पूनम सिंह अउ हिमांगी हलदार ह एप के बारे म प्रस्तुतिकरण घलो दीन हे। ए अवसर म (chhattisgarh) छत्तीसगढ़ परियावरन संरक्षण मंडल के सदस्य सचिव आर.पी.तिवारी अउ लोक स्वास्थ्य परम्परा संवर्धन अभियान ले निर्मल कुमार अवस्थी उपस्थित रिहीन।
