वनमंत्री कश्यप ह छत्तीसगढ़ के जैव विविधता म आधारित फैदर फ्रेंड्स कॉफी टेबल बुक के करिन विमोचन

रायपुर। वन अउ जलवायु परिवर्तन मंत्री केदार कश्यप ह छत्तीसगढ़ के जैव विविधता म आधारित फैदर फ्रेंड्स कॉफी टेबल बुक के आज अपन निवास कार्यालय म विमोचन करिन। ए कॉफी टेबल बुक छत्तीसगढ़ राज्य के जैव विविधता अउ पक्षी मन के प्रजाती म केंद्रित हे।

ए पुस्तक म 50 ले अधिक प्रजाति के स्थानीय अउ प्रवासी पक्षियों के खूबसूरत तस्वीर अउ उनके बारे म विस्तृत जानकारी शामिल हे। छत्तीसगढ़ के वाइल्डलाइफ फोटोग्राफर सत्यप्रकाश पांडेय ह राज्य के विभिन्न हिस्सा ले पक्षी मन के तस्वीर खींचके राज्य के जैव विविधता ल ए कॉफी टेबल बुक के माध्यम ले प्रदर्शित करे के प्रयास करिन हे। पुस्तक म अलास्का, मंगोलिया अउ साइबेरिया ले अवइया प्रवासी पक्षी मन, जइसन बार हेडेड गूज, के बारे म जानकारी देय गे हे, जेन छत्तीसगढ़ के विभिन्न क्षेत्र म शीतकाल बितात हें।

वन मंत्री कश्यप ह प्रकाशक उचित शर्मा, उखर टीम, अउ सत्यप्रकाश पांडेय ल ए उत्कृष्ट प्रयास बर बधाई दिन। ओमन ह राज्य सरकार अउ जलवायु परिवर्तन विभाग द्वारा पक्षी अउ वन्यजीव मन के संरक्षण बर करे जात प्रयास मन ल घलो रेखांकित करिन। ए अवसर म छत्तीसगढ़ राज्य जैव विविधता बोर्ड के अध्यक्ष राकेश चतुर्वेदी अउ सचिव राजेश चंदेल, पीसीसीएफ श्रीनिवास राव, एपीसीसीएफ अरूण पाण्डेय उपस्थित रहिन।