वन अऊ परिवहन मंत्री मोहम्मद अकबर ह बजट ल बताइस ऐतिहासिक

जय जोहार रायपुर…. मुख्यमंत्री भूपेश बघेल के आज प्रस्तुत बजट ल प्रदेश के वन अऊ परिवहन मंत्री मोहम्मद अकबर ह ऐतिहासिक बताए हे। संगेसंग एला सभी वर्ग के लोग मन म खुशहाली अऊ उन्नति बर महत्वपूर्ण बताइस।

बजट म अपन प्रतिक्रिया व्यक्त करत वन मंत्री मोहम्मद अकबर ह कहिन कि प्रदेश के किसान मन के आर्थिक उन्नति बर अपन वादा निभाए बर राजीव गांधी किसान न्याय योजना के तहत बजट म पांच हजार 100 करोड़ रूपिया के प्रावधान करे गे हे। एखर ले अन्नदाता किसान मन ल जिहां मेहनत के उचित मूल्य मिलही। ऊहचे ओखर जीवन म अऊ खुशहाली आही।

वन मंत्री ह कहिन कि बजट म किसान मन के संगेसंग नौजवान मन, श्रमिक मन, छात्र-छात्रा मन, शिक्षक मन, कर्मचारी मन, व्यवसायी मन अऊ गृहिणी मन आदि सबो वर्ग के लोग मन ल कई नवीन सौगात दे गे हे। एमा अनुसूचित जाति-जनजाति समेत सबो नागरिक मन के कल्याण के विशेष ध्यान रखे गे हे। बस्तर ल लेके सरगुजा तक प्रदेश के हरेक क्षेत्र म विकास बर पर्याप्त राशि के प्रावधान रखे गे हे। शिक्षा के प्रचार-प्रसार अऊ प्रदेश वासी मन के चिकित्सा सुविधा उपलब्ध कराए बर, रोजगार के अवसर प्रदान करे बर अऊ औद्योगिक आदि क्षेत्र के विकास म विशेष जोर दे गे हे।