रायपुर. लोकसभा चुनाव 2019 बर भारतीय जनता पार्टी छत्तीसगढ़ म हारे हुए मंत्री मन ल टिकट दे सकत हे. सूत्र मन के मुताबिक, बीजेपी के संभावित उम्मीदवार मन म राजनांदगांव लोकसभा सीट ल पूर्व मुख्यमंत्री डॉ रमन सिंह, दुर्ग सीट ले पूर्व मंत्री प्रेमप्रकाश पांडेय, बिलासपुर सीट ले पूर्व मंत्री अमर अग्रवाल अउ रायपुर ले पूर्व मंत्री बृजमोहन अग्रवाल ल प्रत्याशी बनाए जाए के प्रबल संभावना हे.
बता देवन, प्रेम प्रकाश अउ अमर अग्रवाल ल विधानसभा चुनाव 2018 म हार के सामना करना पड़िस हे. सूत्र मन के मुताबिक, .ये दूनों के नाम मन के औपचारिक ऐलान होना ही बचे हे. रमन सिंह ल उंखर बेटा अभिषेक सिंह के टिकट काट के लोकसभा प्रत्याशी बनाय जा सकत हे.
एखर पहिली छत्तीसगढ़ भाजपा प्रभारी अउ राष्ट्रीय महासचिव अनिल जैन ह कहिन के, भाजपा ए चुनाव म प्रदेस के सबो 10 सांसद मन ल बदल दी ही. अनिल जैन ह कहिन के, पार्टी के सेंट्रल इलेक्शन कमेटी (सीईसी) ह एखर मंजूरी दे दे हे.
पाछू बछर होए विधानसभा के चुनाव म बीजेपी ल बड़का हार के सामना करना पड़िस हे. उमन ल अपन सत्ता गंवाना पड़ीस. कहे जात हे कि ये वजह हे के भाजपा ह अपन सबो मउजूदा सांसद मन के टिकट काटे के फइसला करे हवय.
Other Articles
