नागपंचमी के दिन गौमाता मन के मौत के खबर ले दुखी हे पूर्व मुख्यमंत्री , किहिस रोका छेका हे कारण

जय जोहार रायपूर… बिलासपुर जिला के तखतपुर विकासखंड के मेनपार गाँव के अस्थाई गौठान म १०० ले जादा गाय मन ल ठूंस ठूंस के राखे गे रिहिस जिन्हा हवा पानी अऊ चारा नई मिले के कारण बिहनिया ५० ले जादा गाय मन के मृत्यु होगे , ये खबर ले स्थानीय प्रशासन अऊ राज्य प्रशासन म हडकंप मच गे ,

पूर्व मुख्यमंत्री रमन सिंह ह घटना के भूरी भूरी निंदा करिस अऊ किहिस कि ये खबर ले ओमन दुखी हे , रमन सिंह ह ये घटना के जिम्मेदार सरकार ल किहिस अऊ हिदायत दिस कि गौमाता अऊ पशुपालक मन के हाय सरकार के मुखिया मन ल लगही ,

रामन सिंह ह सरकार के रोका छेका अभियान ल कारण बतात हुए सरकारी तंत्र ल असफल किहिस , ओमन ह किहिस कि २५ लाख म एक गौठान बनाय गिस , अब उन्हा न तो पानी हे अऊ न ही चारा , रोका छेका के नाम म पशुधन ल गौठान म ठूंसना कहाँ तक जायज हे , ये सरकार के निति समझ ले परे हे , गाँव गरीब अऊ किसान मन के हितैषी बने वाला ये सरकार गाय मन के मौत के जिम्मेदार हे . सुनव का किहिस पूर्व मुख्यमंत्री ह….