जय जोहार…. (chhattisgarh) पूर्व मुख्यमंत्री डॉ रमन सिंह ह मुख्यमंत्री भूपेश बघेल ल पत्र लिखे हे। प्रधानमंत्री आवास योजना के संदर्भ म लिखे पत्र म डॉ. रमन सिंह ह राज्य सरकार म गरीब मन के अनदेखी करे के आरोप लगाय हे।
डॉ. रमन ह पत्र म लिखे हे कि पिछिले दू वित्तीय वर्ष म छत्तीसगढ़ सरकार ह केन्द्र के राज्यांश ल नई भेजे हे। जेखर सती केन्द्र ह अवइया किस्त के राशि ल रोक दे हे। वो हा राज्य के हिस्सा के राशि ल तुरंत केन्द्र ल उपलब्ध कराय के आग्रह करे हे।
उहचे बजट म घलो ए योजना के राशि के प्रावधान करे के मांग करे हे। (chhattisgarh) रमन सिंह ह लिखे हे कि प्रधानमंत्री नरेंद्र मोदी ह 2022 तक सबो ल घर दे के लक्ष्य रखे हे।
ओखर सरकार म ए योजना के ठीक क्रियान्वयन होवत रिहिस, लेकिन सरकार बदलत ही ए योजना म ग्रहण लग गिस।
(Chhattisgarh) राज्य ह अपन हिस्सा के राशि केंद्र ल दे ल बंद कर दिस। साल 2018-19 के 792 करोड़ अउ 2019-20 के 762 करोड़ रुपिया के हिस्सा के राशि ल नई दे हे।
जेखर सती केंद्र सरकार ह अवइया किस्त के राशि राज्य सरकार ल जारी नई करे हे। एखर संग वर्ष 2020-21 के राशि के प्रावधान घलो प्रदेश के बजट म नई करे गे हे।
No Comment! Be the first one.