Dhamtari: पूर्व मंत्री माधव सिंह ध्रुव के हो गे निधन, अस्पताल म रिहिन भर्ती, पढो पूरा खबर

जय जोहार…. धमतरी (Dhamtari) जिला के सिहावा क्षेत्र के पूर्व विधायक माधव सिंह ध्रुव के आज निधन हो गे। तबियत खराब होय के सती ओखर रायपुर के रामकृष्ण अस्पताल म इलाज चलत रिहिन। जिहां वो हा आज बिहनिया 6.30 बजे अंतिम सांस ले हे। ओखर निधन ले पूरा क्षेत्र म शोक के लहर छा गे हे।

बता दन कि (Dhamtari) माधव सिंह ध्रुव ह कांग्रेस के कद्दावर नेता मन म गिने जावत रिहिन। अविभाजित मध्यप्रदेश म मंत्री के पद निर्वहन कर चुके रिहिन। उहचे अजीत जोगी के शासनकाल म आदिम जाति कल्याण मंत्री के रूप म अपन सेवा दे चुके रिहिन।

(Dhamtari) कांग्रेस नेता माधव सिंह ध्रुव ह सिहावा क्षेत्र ले सरलघा पांच बार विधायक रह चुके हे। ओखर निधन ले पूरा क्षेत्र म शोक के लहर दौड़ गे हे। ओखर समर्थक रायपुर ले पार्थिव देह ल लाय बर रवाना हो गे हे।