पूर्व राष्ट्रपति प्रणब मुखर्जी के हो गे निधन, अस्पताल म रहिस भर्ती

जय जोहार…. देश के पूर्व राष्ट्रपति प्रणब मुखर्जी के निधन हो गे हे। आज पूर्व राष्ट्रपति मुखर्जी ह 84 साल के उम्र म अंतिम सांस ले हे।

भारत रत्न ले सम्मानित प्रणब मुखर्जी ल मस्तिष्क म खून के थक्का जमे के सती 10 अगस्त के आर्मी अस्पताल म भर्ती करे गे रहिस। ओखर बेटा अभिजीत मुखर्जी ह ट्वीट कर ये जानकारी ल दे हे।

ऑपरेशन के पहिले हुये जांच म पूर्व राष्ट्रपति ह कोरोना संक्रमित पाय गे रहिस। एखर बाद आपरेशन करे गिस। एखर बाद ले ओखर हालत ह गंभीर बने रहिस। विशेषज्ञ डॉक्टर मन के टीम ह ओखर हालत म नजर रखत रहिस।