chhattisgarh के सबो जिला म होही फोर्टिफाइड चावल के वितरण

जय जोहार । छत्तीसगढ़ (chhattisgarh) म महिला अउ लईका मन म कुपोसण अउ एनीमिया के स्थिति ल दूर करे के मद्देनजर मुख्यमंत्री भूपेश बघेल के अध्यक्षता म आज राज्य मंत्री परिसद् के बइठक म महत्वपूर्ण निर्णय ले गेहे । अब प्रदेस के सबो जिला म फोर्टिफाइड चावल के वितरण होही । फोर्टिफाइड चावल उचित मूल्य दुकान के माध्यम ले रासन कार्डधारी मन ल अप्रैल 2023 ले वितरण करे जाही। प्राथमिकता, अन्त्योदय, एकल निराश्रित, निःशक्जन, श्रेणी के रासन कार्ड धारी मन ल वर्तमान म दे जावत सामान्य चावल के स्थान म फोर्टिफाइड चावल मिलही ।

गौरतलब हे कि सार्वभौम पीडीएस के तहत खाद्यान्न सुरक्षा के संगेसंग पोसण सुरक्षा सुनिश्चित करने, एनीमिया अउ अन्य पोसक तत्व के कमी ल दूर करे ल नवम्बर 2020 ले कोण्डागांव जिला म फोर्टिफाइड चावल वितरण प्रारंभ करे गेहे । वर्तमान म मध्यान्ह भोजन योजना अउ पूरक पोसण आहार योजना म प्रदेस के सबो जिला म फोर्टिफाइड चावल के वितरण करे जावत हे । एखर अतिरिक्त सार्वजनिक वितरण प्रणाली के अंतर्गत राज्य के 10 आकांक्षी जिला कोरबा, राजनांदगांव, महासमुंद, कांकेर, नारायणपुर, दंतेवाडा, बीजोपुर, बस्तर, कोण्डागांव, सुकमा अउ 02 हाई बर्डन जिला कबीरधाम एवं रायगढ़ म फोटिफाइड चावल के घलो वितरण करे जावत हे ।

फोर्टिफाइड चावल पोसक अउ स्वास्थ्यवर्धक हे । ये आयरन, फोलिक एसिड, विटामिन बी-12 ले युक्त होत हे । एमा मौजूद आयरन, फोलिक एसिड, विटामिन बी-12 जइसे पोसक तत्व बड़े अउ लईका मन म खून के कमी ल नई होय देत हे हे । फोर्टिफाइड चावल के फायदा के संबंध म जिला के रासन कार्ड धारी मन ल आंगनबाडी कार्यकर्ता, मितानीन, अउ उचित मूल्य दुकान म बैनर, पोस्टर के माध्यम ले फोर्टिफाइड चावल ल पकाय के तरीका अउ उपयोग के संबंध म बेरा -बेरा म जागरूक करे जावत हे ।