corona: गरियाबंद म फेर मिलिस चार कोरोना पॉजिटिव

जय जोहार…. गरियाबंद जिला म कोरोना (corona) संक्रमित मरीज के संख्या ह बाढ़त जावत हे। जिला म आज फेर चार नवा संक्रमित मरीज के पहचान होय हे। एखर संग जिला म कुल कोरोना (corona) मरीज मन के संख्या ह बाढ़ के 22 हो गे हे।

जिला मुख्य चिकित्सा अधिकारी एनआर नवरत्न ह बताइस कि आज जेन चार नवा केस आय हे, ओमा ले तीन केस ह फिंगेश्वर विकासखण्ड के बोरिद गांव के हे। ऊहचे एक मरीज ह देवभोग विकासखण्ड के हे। देवभोग विकासखण्ड के कोन गांव के हे, फिलहाल एखर पुष्टि नई होय हे।  कुछु देर बाद एखर पुष्टि करे के बात केहे हे।

ए चार नवा कोरोना (corona) मरीज मिले के बाद जिला म कुल संक्रमित मन के संख्या ह 22 हो गे हे। जेमा ले 10 मरीज ह स्वस्थ हो के अपन घर लहुट गे हे। ऊहचे सक्रिय मामले 12 हे।