रायपुर म फेर मिले हे कोरोना के चार नवा मरीज, एम्स ह करिन पुष्टि

जय जोहार…. छत्तीसगढ़ म कोरोना मरीज मन के संख्या ह सरलघा बाढ़त जावत हे। आज दोपहर रायपुर म चार नवा कोरोना पाजिटिव मरीज के पहचान होय हे। एखर पुष्टि ल एम्स प्रबंधन ह करे हे। रायपुर म आज जेन चार मरीज मिले हे, ओमा ले एक के इलाज ह पहले ले रायपुर एम्स म चलत रहिस। ऊहचे तीन नवा मरीज मिले के बाद इलाके ल कन्टेनमेंट जोन बना दे गे हे।

बता देन कि प्रदेश म कोरोना संक्रमित मन के संख्या ह बाढ़ के 922 हो गे हे। जेमा ले एक्टिव मरीज मन के संख्या ह 669 हो गे हे। ऊहचे 249 लोगन मन ह स्वस्थ होके अपन घर लहुट चुके हे।