Corona: धमतरी जिला म फेर कोरोना के चार नवा मरीज के होइस पहचान, एक्टिव केस ह बाढ़ के 16

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। धमतरी जिला म आज कोरोना के चार नवा मरीज के पहचान होय हे।

एखर संग जिला म कोरोना के कुल संक्रमित मरीज मन के संख्या ह बाढ़ के 25 हो गे हे।
आज जेन कोरोना (corona) के नवा मरीज ह मिले हे, ओमा ले भटगांव ले 2, धौरभाठा अउ भैसमुंडी ले एक-एक मरीज शामिल हे। कोरोना पाजिटिव मरीज मिले के जानकारी म स्वास्थ्य विभाग अउ पुलिस विभाग ह मउका बर रवाना हो गे हे। जेखर बाद गांव ल सील करे जाही।
बता देन कि जिला में कोरोना (corona) संक्रमित मन के कुल संख्या ह 25 पहुंच गे हे, जेमा ले सक्रिय मामले ह 16 हो गे हे।

ऊहचे आठ लोगन मन ह बने होय के बाद अपन घर लहुट चुके हे। ए वायरस ले एक संक्रमित मरीज के मौत हो गे हे।