राज्य प्रशासनिक सेवा के चार अधिकारी मन के हो गे तबादला, राज्य सरकार ह जारी करिन आदेश
जय जोहार…. राज्य प्रशासनिक सेवा के चार अधिकारी मन के तबादला कर दे गे हे। ए संबंध म राज्य सरकार ह आदेश जारी कर दे हे।
जारी तबादला आदेश म कोरबा म पदस्थ डिप्टी कलेक्टर देवेंद्र प्रधान ल सीएम के ओएसडी बनाय गे हे। एखर संग ही बलौदाबाजार-भाटापारा म पदस्थ अपर कलेक्टर जोगेन्द्र नायक ल महासमुंद भेजे गे हे।
कांकेर म पदस्थ अपर कलेक्टर सीएल मारकंडे ल राजनांदगांव अउ बलौदाबाजार-भाटापारा के डिप्टी कलेक्टर राकेश कुमार गोलछा के तबादला महासमुंद करे गे हे।
